Բաժնետերեր և
ներդրողներ

Շահութաբաժիններ

• Բանկի բաժնետերեր
• Բանկի խորհուրդ
• Բանկի ներքին աուդիտի ծառայություն
• Աուդիտի կոմիտե
• Բանկի և բանկի հետ կապված անձանց միջև գործարքները կարգավորող ընթացակարգ
• Փոխառությունների վերաբերյալ տվյալներ
• Շահութաբաժիններ
• Բանկի գործադիր մարմնի աշխատանքի գնահատման սկզբունքները
• Վարձատրության վերաբերյալ տվյալներ
• Բանկի Խորհրդին կից գործող կոմիտեներ

Շահութաբաժիններ

Շահութաբաժնային քաղաքականությունը`

• Տարեկան գործունեության արդյունքում Բանկի ստացած համախառն եկամտի և օրենքով թույլատրված նվազեցումների դրական տարբերությունը` հարկվող շահույթը, ենթակա է հարկման` Հայաստանի Հանրապետության հարկային օրենսդրության համաձայն:
• Զուտ շահույթի բաշխումն իրականացվում է Ընդհանուր ժողովի կողմից սահմանված հիմնադրամների համալրման, սովորական բաժնետոմսերի դիմաց շահութաբաժինների վճարման նպատակով կամ կարող են հաշվառվել որպես նախորդ տարիների չբաշխված շահույթ:
• Բանկն իրավունք ունի որոշում ընդունելու (հայտարարելու) իր բաժնետերերին եռամսյակային, կիսամյակային կամ տարեկան շահութաբաժինների վճարման մասին:Միջանկյալ (եռամսյակային և կիսամյակային) շահութաբաժինների վճարման, շահութաբաժնի չափի և դրա վճարման ձևի մասին որոշումն ընդունում է խորհուրդը: Տարեկան շահութաբաժինների վճարման, շահութաբաժնի չափի և դրա վճարման ձևի մասին որոշումն ընդունում է Ընդհանուր ժողովը` խորհրդի առաջարկությամբ: Միջանկյալ շահութաբաժինների չափը չի կարող գերազանցել նախորդ ֆինանսական տարվա արդյունքներով բաշխված շահութաբաժնի 50 տոկոսը: Տարեկան շահութաբաժինների չափը չի կարող պակաս լինել արդեն վճարված միջանկյալ շահութաբաժինների չափից:Եթե Ընդհանուր ժողովի որոշմամբ տարեկան շահութաբաժինների չափը սահմանվում է արդեն վճարված միջանկյալ շահութաբաժինների չափին հավասար, ապա տարեկան շահութաբաժիններ չեն վճարվում:Եթե Ընդհանուր ժողովի որոշմամբ տարեկան շահութաբաժինների չափը սահմանվում է արդեն վճարված միջանկյալ շահութաբաժինների չափից ավելի, ապա տարեկան շահութաբաժինները վճարվում են սահմանված տարեկան շահութաբաժնի և տվյալ տարում արդեն վճարված միջանկյալ շահութաբաժինների գումարի տարբերությամբ:Ընդհանուր ժողովն իրավունք ունի որոշում ընդունելու շահութաբաժիններ չվճարելու:

• Տարեկան շահութաբաժինների վճարման ժամկետը սահմանվում է Ընդհանուր ժողովի` շահութաբաժիններ վճարելու մասին որոշմամբ: Միջանկյալ շահութաբաժինների վճարման ժամկետը սահմանվում է խորհրդի` միջանկյալ շահութաբաժիններ վճարելու մասին որոշմամբ, բայց ոչ շուտ, քան տվյալ որոշման ընդունումից 30 օր հետո:

Շահութաբաժինների յուրաքանչյուր վճարման համար խորհուրդը կազմում է շահութաբաժիններ ստանալու իրավունք ունեցող բաժնետերերի ցուցակ, որում պետք է ընդգրկվեն`

• միջանկյալ շահութաբաժիններ վճարելու դեպքում` Բանկի այն բաժնետերերը, որոնք ընդգրկվել են Բանկի բաժնետերերրի ռեեստրում` խորհրդի միջանկյալ շահութաբաժիններ վճարելու մասին որոշման կայացման օրվանից առնվազն 10 օր առաջ.
• տարեկան շահութաբաժիններ վճարելու դեպքում` Բանկի այն բաժնետերերը, որոնք ընդգրկվել են Բանկի բաժնետերերի ռեեստրում` Բանկի բաժնետերերի տարեկան Ընդհանուր ժողովին մասնակցելու իրավունք ունեցող բաժնետերերի ցուցակը կազմելու օրվա դրությամբ:

• Բանկի բաժնետերերին շահութաբաժիններ բաշխելն արգելվում է, եթե այդ պահին բանկի կրած կորուստները (վնասները) հավասար են կամ գերազանցում են Բանկում առկա չբաշխված զուտ շահույթի գումարը:
• Եթե շահութաբաժիններ վճարելու մասին Ընդհանուր ժողովի որոշմամբ սահմանված ժամկետներում շահութաբաժիններ չվճարվելու դեպքում դրանք կուտակվում և վճարվում են հետագայում բաժնետիրոջ առաջին իսկ պահանջով:
• Բանկի տեղաբաշխված արտոնյալ, փոփոխական շահութաբաժնով բաժնետոմսերի դիմաց վճարվող շահութաբաժնի չափը որոշվում է հետևյալ բանաձևով`

D=N*5%+[(P-N*5%*n)/n]*5%

որտեղ`
D-թողարկված և տեղաբաշխված մեկ արտոնյալ բաժնետոմսի դիմաց վճարվող տարեկան շահութաբաժնի չափն է,
N-թողարկված և տեղաբաշխված մեկ արտոնյալ բաժնետոմսի անվանական արժեքն է,
P-Բանկի յուրաքանչյուր ֆինանսական տարվա արդյունքում ձևավորված զուտ (հարկերը և պարտադիր վճարները պահելուց հետո) շահույթի չափն է,
n-թողարկված և տեղաբաշխված արտոնյալ բաժնետոմսերի ընդհանուր քանակն է
Ընդ որում` եթե զուտ շահույթի (P) մեծությունը հավասար է կամ փոքր է զրոյից, ապա տվյալ ֆինանսական տարվա արդյունքներով շահութաբաժին կարող է չվճարվել:

Էջը թարմացվել է` 19.12.2008թ., 17:12

Ռուսերեն և հայերեն լեզուներով հրապարակված տեղեկատվությունների միջև հակասության առկայության դեպքում

անհրաժեշտ է ղեկավարվել հայերեն տարբերակով: